Salila ieu mungkin mun urang ngadon ulin, olah raga jeung sajabana pasti teu pati mireungeuh jeung teu pati apal patung naon anu aya ditengah tengahna.
Terus naon hubunganna jeung Curug Batu Blek? Bari kalolobaan diantara urang sarua teu apal dimana jeung kumaha Batu Blek teh.
Muka sababaraha catetan anu teu pati kumplit, hubungan patung ditengah alun alun tegesna patung Kalapataru (Ema Eroh sareng Bapa Abdul Rojak) khususna Ema Eroh anu kantos dileler Kalpataru (penghargaan perintis Lingkungan Hidup ti Presiden Suharto alm).
Ema Eroh anu dibantu ku salapan belas pamuda di lemburna, nugar pasir / gunung pikeun ngalirkeun cai ka sawah di lemburna. Saparantos nugar sababaraha taun nu awalna dianggap mahiwal, pamohalan, malah teu saeutik nu nyangka owah, ahirna cai bisa ngalir, lain bae keur lembur Ema Eroh, bahkan ka indihiang, Cisayong, Sukaratu oge nepi.
Tah sumber cai anu dialirkeun ku Ema Eroh nyaeta ti Curug Blek.
Cag.
Dicutat tina sababarah tulisan tina sababaraha blog/situs internet (pangoreksikeun bilih aya kasalahan)
foto dokumen pribadi.
