Sebut bae Bapa Aki, lemburna di Sangkali tukangeun Puskesmas Sangkali Tamansari, gawena cenah ngan ngaheurap mapay mapay situ anu aya di kota Tasik.
Harita ka Situ Cibeureum, tos ti Situ Malingping, ngan teu nepi da jalanna keur diaspal dihadean, cenah ngaspalna karek nepikana tanjakan, teuing palebah mana pasna, da jeung eunyana jalan ka situ Malingping mah kurang hade, ari lain disebut goreng mah.
Sakali ngaheurap atawa ngecrik rata rata sok meunang tilu kiloan mah, lumayan keur jajan incu di imah, bari lung ngalungkeun kecrikna, teu gurung gusuh dibetot rada dianteup heula semu geus yakin aya eusian. da samemeh ngalungkeun kecrikna si Bapa Aki ngomong "tuh tingali aya anak jaer." Weleh teu katempo ku kuring mah najan eunya make kaca panon.
Bener we basa ditarik lalaunan, teu kurang ti lima siki lauk jaer adug lajer jero kecrik, katambah lauk sapu milu hayang ka darat, tapi lauk sapuna mah dialungkeun deui ka tengah.
"Baheula mah samemeh sisi sisina ditembok, lain bae lauk jaer, nileum, bogo, jeung anu lainna oge," Ceuk Si Bapa Aki bari ngaluarkeun lauk jaer tina kecrik.
"Kuduna poe jumaah kadieuna, sok rame anu ngarala lauk sanggeus jumaahan, malah ti Manonjaya oge sok aya anu datang milu ngala lauk. Tara kurang ti dua kintal sigana poe jumaah lauk kaangkat. Ngan hanjakal sok aya anu make portas ngalana, lain dilarang anu kitu teh?"
"Mun di Situ Gede caina seket, can lila ancrub oge suku gancang peurih, siga melekpek, mun didieu mah di situ Cibeureum tiis da dasarna leutak lain keusik siga situ Gede."
"Tah anu jero mah situ Malingping, katempona siga anu saat jeung deet, padahal leuwih jero. Ngan didinya mah kudu mayar dua puluh rebu ka si Anu, mun hayang ngecrik teh."
Harita ka Situ Cibeureum, tos ti Situ Malingping, ngan teu nepi da jalanna keur diaspal dihadean, cenah ngaspalna karek nepikana tanjakan, teuing palebah mana pasna, da jeung eunyana jalan ka situ Malingping mah kurang hade, ari lain disebut goreng mah.
Sakali ngaheurap atawa ngecrik rata rata sok meunang tilu kiloan mah, lumayan keur jajan incu di imah, bari lung ngalungkeun kecrikna, teu gurung gusuh dibetot rada dianteup heula semu geus yakin aya eusian. da samemeh ngalungkeun kecrikna si Bapa Aki ngomong "tuh tingali aya anak jaer." Weleh teu katempo ku kuring mah najan eunya make kaca panon.
Bener we basa ditarik lalaunan, teu kurang ti lima siki lauk jaer adug lajer jero kecrik, katambah lauk sapu milu hayang ka darat, tapi lauk sapuna mah dialungkeun deui ka tengah.
"Baheula mah samemeh sisi sisina ditembok, lain bae lauk jaer, nileum, bogo, jeung anu lainna oge," Ceuk Si Bapa Aki bari ngaluarkeun lauk jaer tina kecrik.
"Kuduna poe jumaah kadieuna, sok rame anu ngarala lauk sanggeus jumaahan, malah ti Manonjaya oge sok aya anu datang milu ngala lauk. Tara kurang ti dua kintal sigana poe jumaah lauk kaangkat. Ngan hanjakal sok aya anu make portas ngalana, lain dilarang anu kitu teh?"
"Mun di Situ Gede caina seket, can lila ancrub oge suku gancang peurih, siga melekpek, mun didieu mah di situ Cibeureum tiis da dasarna leutak lain keusik siga situ Gede."
"Tah anu jero mah situ Malingping, katempona siga anu saat jeung deet, padahal leuwih jero. Ngan didinya mah kudu mayar dua puluh rebu ka si Anu, mun hayang ngecrik teh."
